حـــانــتــــي الـــخـــاصــــة... - الصفحة 12 - .: منتديات أرض الأمل :. .. أرض من عالم مختلف .

**الزير** · 04-16-2009, 04:17 PM

ليه احس بتعب دونك

وليه أظل مشتاق لعيونك

وليه أفرح لشفتك وأصير مجنونك

وليه أتباها بحسنك وفتونك

صدقيني أعشقك وأصونك

صدقيني بعمري ما فكرة أخونك

مين أصلاً إلى يسوى رمشة جفونك

ليه أحس بتعب دونك

جاوبيني

**الزير** · 04-16-2009, 11:55 PM

الله يسامحك

والله لو كنت عرف بك

بترد يميني ما مديتها لك

هذا جزاي إلي يحبك

كسرت خاطري وخلي العذول

يشمت فيني وبك

الله يسامحك

**الزير** · 04-17-2009, 09:34 AM

ليه دايم أسبق الخطوة وأجيك

وليه دايم أتحرى شوفتك

وليه دايم أمشي لك نفس الطريق

وليه أخاف شوفتك

تشعل بقلبي الحريق

ولجيت يمك أخاف عيني تجي بعينك

أعشق أنفاسك وعبقها

وأذوب من عينك وسحرها

بس ليه أخاف من لحظها

لي أضعف لا صرت يمها

أحاول أخفي شعوري قدام البشر

بس ما أقدر ما أتبعك بالنظر

أحاول ألمس كل شي يخصك

أنفاسك .. نظراتك .. حركاتك ..

وحتى لو أني اعرف يد صافحتك

أركض لها وصافحها بإحساسك

أحاول ألفت أنظارك بحضوري

روحاتي وجياتي ... وقفاتي وجلساتي

وحتى بكوب قهوتي ورشفاتي

بس لا جاه وقت الجد

ضاعت كل كلماتي

لا والصحيح أني ضعت انا كلي

وأرجع لنفس الأسئلة

ليه دايم أسبق الخطوة وأجيك

وليه دايم أتحرى شوفتك

وليه دايم أمشي لك نفس الطريق

وليه أخاف أشوفك

وتشعل في قلبي الحريق

**الزير** · 04-18-2009, 08:14 AM

ياقلبي حرام عليك أنا

وياقلبي أيش الجديد

تشتكي من جرح على الصباح

يعني هذة اول عنا

ولا تغير معاك شي في الجروح والرصيد

جرح جاك من اللي تحبه

ضمه وسلم عليه وزيده على الجراح

يلا ياقلبي لا تفضحنا الدموع

هات أيدك وامشي

أحس من جرحك راح تكسر الضلوع

يلا ياقلبي

ما راح يتغير شي في الموضوع

غير جرح جديد

على الصباح

**الزير** · 04-18-2009, 11:52 AM

ممكن أسألك سوال وتجاوبيني

طلبتك يا نور عيني

ليه دايم أحتار أهديك الرضا

وانت تحتاري كيف تزعليني

ترى مالي بعد الله غيرك

طلبتك ما أبي أخسرك

لجل ما تخسريني

يا نور عيني

**الزير** · 04-18-2009, 03:48 PM

يا حر الآآآآآآآآآآآآآآآآآه في صدري

لا جات طعني من أعز الناس

تخيلته أخ ورفيق

وعاملته على أنه صديق

ونسيت أن الناس أجناس

يمدلي بيده غصن سلام

وفي الثانية خنجر غدر

دائم أقوله أنا خوك

وأنت أكثر من أخو

بس ما على الدنيا ملام

ومالي أنا إلا

الصمت

و الصبر

**الزير** · 04-19-2009, 08:11 AM

يا إبن أدم كفاك غرور

وكفاك غدر وتعلم ..!!!!

ولا تنسى الزمن ذا يدور

اليوم تألم

وبكرة بتتألم ...!!!!

**الزير** · 04-19-2009, 08:54 AM

يمكن تغرك الدنيا وتضحك لك

وتقول لك تراني

بدوم لك ....

وفجـاءة .....!!!!!

تنقلب الأحوال

وترخص وتبخس بدمك ..؟؟؟؟

**الزير** · 04-19-2009, 09:20 AM

عجيب أنت يا إنسان

تخون وتطعن مين حبك

تجرح مين وفاك وصان

ولا طاح يبتسم سنك

**الزير** · 04-19-2009, 09:53 AM

تفرح لا جرحته في يوم

وقدامك نزف دمه

وتلعب لعبة المظلوم

وأخر همومك همه

تبيع .... ( بعشرته ) وتسوم

بلا عدل وبلا ذمه ....؟؟؟؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

.: من القلب إلى القلب :.