لمتذوقي القصيد : وش البيـت اللي لاضاق صدرك تـردده ..!!

**»غصة آلــم«** · 11-18-2009, 09:17 PM

عسى ما ازعلتك البارح وزودت الجراح جراح
عسى ما مرت الدمعه على اهدابك من اسبابي
_______

جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي

×

لٍـ روحكِ إكليل من الورد
عميق الشكر لهكذا مساحة ~

**♥{ أميرةالعطر ..** · 12-07-2009, 12:39 AM

.
.
.

يْفّزِ قَلبيْ لاجابوِ النُاسَ طاريْـڪَ ..

حِبڪَ قَدِر عمّريْ وِنُوِرڪَ طريْقَـہَ ..!!

.
.
.

**سمراء واثقة** · 12-07-2009, 12:52 AM

خذني بحضنك ابغفي اه مبطي ماغفيت------ون لمحت ادموع عيني سو نفسك مالمحت

خذني بحضنك وبعثر اجروحي ون قضيت---------هزلي كتفي وقلي عيب تبكي لوسمحت

اضحك وعلم زماني من انا ومن وين جيت------وطق باب الحزن وصرخ فيني لامني فتحت

ضمني يمك وكمل ضحكتي لامني بكيت------ودي اذكر كيف كانت ضحكتي لامني فرحت

احب اردددها حيل حيل
السموحه

**♥{ أميرةالعطر ..** · 12-07-2009, 01:17 AM

اهداء خاص

اتحدي تحب غيري وتعكس دروبي وسيري
لاني ادري مثل قلبي صعب تلقي ياعشيري
اتحدي لو تلاقي مثل حبي واشتياقي
مهما تبعد لي بترجع..لان احساسك اسيري

لو تلف الكون كلا اتحدي تحب والله
انت لو حبيت غيري كله ايام وتمله
ترجع تحن لغرامي ينكسر للود ضامي
حبي لك شمس ومظله اطعني واسمع كلامي

لو تحب مليون مرة ادري بترجعلي بكره
الي مابيني وبينك حب خالد واغلى عشرة
انا من حبك وصانك انا من ضحى عشانك
واتحدي ان كنت تقدر تعطي لغيرى حنانك

**« غَمَوُضَ ٲنثىَّ ●•** · 12-07-2009, 06:13 PM

الا يا الله يا عالم بحالي

تزيل الهم عن قلبي تزيله

**سمراء واثقة** · 12-11-2009, 04:11 AM

لـو بكيـت دمـوع عينـي ما تفيد=وإن شكيت الشكوى ما فيها مســد
كل يـوم يذوب فـي قلبـي وريــد=أتصبّـر مـيــر ما عـنـــدي جـلــــد
نار شوقـي لك يذوب لـهـا الحديد= وإنتثـر دمعـي علـى خـدي بـــدد
دايمٍ يا شـوق شوقـي لك جديــد = وإن سألـت العيـن لـك فيهـا مــرد
دمعتـي تنبيـك عـن حـبٍ أكيـد=غيرهـا يــا روح روحـي وش بـعـــد
كان قلبـي قبـل عرفي لك عنيــد= مـا يـحـن ولا رمـى غـيـرك لأحــــد
ليـن طـوّعـتـه بحبــك يا وحيـــد=والمـحـب يطيـع محبوبـه وحــــد
يا حبيبـي غير شوفك لا ما أريــد=دوك طـرفـي طايـر فيـه السّـهــــد
يا حبيبـي فيـك يا حلو القصيــد= لو كتبـت الشعـر فـي غيرك شــرد
أتـغـنّى فيـك بأشــواقي نشيــد= بأصدق اللي قيل مـن بنـت لولــد
خالد عبدالرحمن

**ملاك الروح** · 12-17-2009, 04:53 PM

نامت عيون الناس الا عيوني
هالناس حبو والا بس انا اللي حبيت
مرات اقول شلون عايش بدوني
مرات اقول اني بشوقي تماديت
..
مجنون حبك يا سبايب جنوني
طيفك عبر قدام عيني وناديت
شافوك بإحساسي و هم يسمعوني
رديت لي اجمل فيني وغنيت
..
نورت كل ايام عمري وكوني
ذكراك هي روحي حشى ما تناسيت
طاريك اربكني وحرك سكوني
الله عليك شلون تسحر اذا جيت

**♥{ أميرةالعطر ..** · 12-21-2009, 01:52 AM

,, يطـــري عليـــــه الولــه و أطري على بآلـــه ,,

يا مرحبآ لـــ ِ ضوى خلي على بآبي

,, هجيــــت حدب الضـــلوع هــو نوخ جمـــآلـــه ,,
لأجلـــه بكت دمعتي و لأجلـــه ضحك نآبي

,, كلمــآ ضحك لي لمح النور فــ أمـــــآله ,,

وإلى تجهـــم سكـــن السقـــم بثيآبي

**♥{ أميرةالعطر ..** · 12-24-2009, 08:52 PM

ياضايق الصَّدر بالله وسِّـع الخاطـر
دنياك يازيـن ماتستاهـل الضَّيقـه

الله على مايفـرِّج كربتـك قـادر
والله له الحكم فـي دبـرة مخاليقـه

حلو العيون أستهانت دمعها الحـادر
كفَّ العباير حزين الدَّمـع ماطيقـه

حسايف الحزن يغشى وجهك الطَّاهر
والورد في وجنتك حـرام تغريقـه

يفداك قلبٍ على ماتشتهي حاضـر
يفداك بالَّلي بقى لـي مـن معاليقـه

مافات خلَّه ولاتهتـم مـن باكـر
وأغنم من اليوم ماساقـت توافيقـه

.
.

**»غصة آلــم«** · 01-03-2010, 08:36 PM

نشف دم العتاب وجف ريق اللوم !!
.................... معك ضـاع الكلام .. وماتــت أحلامـي !

وش اللي ممكن أقوله وأنا مصـدوم .!!!
.................. بعــد ما مــات أجمــل حلــم .. قـدامـي ..!

على كثر الحزن ما مرني في يـوم
................. مثـــل حزنــي على .. حقيقـــة أوهــامـي

أنا ماني هنا !! يا طعنـة المقسـوم
.................. على الكرســـي بقايـــا حــزن متــرامـي !

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

.: من القلب إلى القلب :.

لمتذوقي القصيد : وش البيـت اللي لاضاق صدرك تـردده ..!!

ღ أرض وهج القوافي ღ