ماهو شعور الفتاه هنا ..

**دمعة شرقاوية** · 03-02-2010, 12:15 AM

بسم الله الرحمن الرحيم
السلام عليكم ورحمة الله وبركاته ..
مساء الخير .. صاااااارلي زمان عن القسم
المهم في الموضوع .. صادف احد زميلاتي الامس
وحبيت ابحث عنه وجيبه بتنسيق احسن
واحب تشااااااركوني فيه
ما شعور الفتاة التي يتقدم عريس لخطبتها
ثم يراها وبعد يومين تتصل أم العريس لتخبر أم الفتاة بأن
ابنها لم يوافق على الزواج من ابنتها وإن الزواج قسمة ونصيب ..
ارجو ان تعطوني رأيكم بكل صراحه ..
ولو مثلا مر عليكم هالموقف في الحقيقه
( كيف راح تكون رده الفعل ) ؟
تخيّلي هذا الموقف ..
وعطني اجابتك بكل صراحه ..
انتظر ردودكم ,,
ما هو شعور الفتاه عندما يراها الخاطب ثم يقول إنها لا تعجبني ؟

**~ll ألحآن السمآء ••** · 03-02-2010, 10:39 AM

يمكن مااعجبته البنت ..

وغير كذا يقول من البدايه انا ماابيها احسن من يخطبها رسمي

ويقول بعدين مابيها ..

بس لو انا صار لي الموقف هذا ..

اكيد راح اقول ليش ايش الشي الي ماعجبه ..

او ايش العيب الي شافه فيني ..

صحيح راح انقهر ويمكن تجيني العبره واصيح ..

بس مايمنع اني اقول .. الشي هذا نصيب ..

يقول مايبيني الحين احسن من يتركني بعدين ..

دمعه شرقاويه ..

الموضوع جااامد ..

وانا مااعرفت ارد عليه عدل لاني مامريت بالموقف هذا ..

وان شالله مااحد يمر فيه اببببببببد ..

ويعطيكـ العافيه ..

وخلكـ قريبا هنا ..

**♥{ أميرةالعطر ..** · 03-02-2010, 11:08 AM

دمعة شرقاويه
موضوعك بجد جــآمد

طيب نحنا يابنات ليه نشوف الموضوع من منطلق انها ماعجبته
بالعكس ممكن تكون آيه في الجمال (بشهادة الجميع )
لكن في بعض الرجال يخافون من المرأه الجميله يخاف انه يضعف امامها وتكون مغروره او اي شي ظنوون براسه
ويظن انها بتتحكم فيه
..
شوفي البنت يمكن تكون حبوبه وقلبها ذهب
والله اللي رزقها بهالجمال مو ذنبها اذا كانت حلوه وجميله
وصادفت شخص مادري كيف مخه مركب ...خخخخخخخخخ

واحيانا يكون مافي قبول نفسي من الطرفين (يمكن يكون شعور متبادل خخخخخ)
يعني موشرط انه علشان هي مو حلوه
واحيانا يكون بخياله مواصفات معينه وهو ماقال لأهله عن اللي يتمنى الأرتباط بها
انه يعني يتمنى تكون كذا اوكذا ...
وبعدين نحنا يابنات ليه مانتشرط ونحط رجل على رجل ههههههههه
قوويه صح
بس اللي يصير معها هالموقف
لاتفقد ثقتها بنفسها وربي ليعوضها باللي يحب التراب اللي تمشي عليه
الله يوفق كل البنات ويكتب لهم اللي فيه الخير

خالص ودي

**Č н e e s e ©** · 03-02-2010, 04:27 PM

يووو

بس مدري والله

بس احس هوا قمسمه ونصيب وزي ما قلتي مو شرط الجمال يمكن ما ارتاح لها

واذا اناا ما كنت مرتاحه له بيكون عيد انه ما يبا بس اذا دخل مزاجي وقالوا انو بطل هنا المشكله

يمكن تتعرض البنت لصدمه وووتفقد ثقتها بنفسسها + او انها تمشي وعادي + تبكي وتكمل حياتها او تبكي وتقعد عند هالنقطه ><"

+ يصير عندها خوف من هالموضوع ويمكن تعنس > _-_

^

مدري كيف طلع :g!:

موضوع رهيب ومنجد انصح اللي صاررلهم هالموقف انو خلاص كملي حياتك ووو كلو قسسم ونصيب ووو لا تعتقدي عشان جمال ولا شي ثاني كلو يمكن يكون عدم ارتياح يعني وبعدين انتي لا تعرفينه ولا يعرفك ,,

اوك سلاآم : )

**« غَمَوُضَ ٲنثىَّ ●•** · 03-02-2010, 05:49 PM

صح مثل ما قالوا البنات كل شئ قسمة ونصيب

وعلى قولة لحونة أحسن من هالحين قبل يتوهقون

ببعض ، وصح ما عشنا التجربة

والله لا يجعلنا نطيح بنفس الموقف لأن بصراحة قمة التحطيم والدمار

النفسي لأن البنت كذا بتفقد ثقتها بنفسها وبتقول وش بي ليش سوى كذا

وتدخل بحالة نفسية تخليها تخاف من شوفة عريس ثاني عشان لا تتكرر المأساة

دمعة ، بصراحة موضوعك ررررررررررررررهيب حمسنا وقهرنا بعد

خخخخخخخخخخخخخخخخ

أجل على وشو يزعطون علينا ذولا وخششهم ، حتى حنا نقدر نقول ما عجبنا / صح بناااااااااااات

تسلمين دمعة ما قصرتي يعطيك العافية

**ريانة العود** · 03-07-2010, 05:17 PM

السلام عليكم ورحمة الله وبركاته ...
اعجبني ما قمتي بطرحه عزيزتي وفقتي بالأختيار ..

كيف سيكون شعور الفتاة بعدما يتخلى عليها الخطيب .راي في الموضوع لن يكون مجرد ثمتل

للاحساس .ولكنه تجربة حقيقية الموقف تتحكم فيه الاسباب التي جعلته يتخلى .عنها .وردود الفعل
مرتبطة بالاسباب بشكل وثيق .قد تكون خسارة لكليهما وكابة يعلم الله وحده مدى تاثيرها .وقد يكون
الخير في الفراق لن يفهم الا بعد مرور السنين وتعاقب الاحداث .التي كانت في علم الله وحده حين
وقع الفراق تصرف الشاب على هذا النحو اذا احسنا الظن في الرجل كونه لايريد العيش معها لانه
يخاف ان يظلمها معه ونستدل ذلك من الاية فيما معناهاامساكا بمعروف او تسرحياً با احسان وكما
انتو عارفين هذا زواج وراح يعشون مو يوم او يومين علشان يتحملون انما هاذي مشاركة في الحياة
و القبول بالنسبه لكلا الزوجين شي ضروري والزواج قسمة ونصيب
ودائما الخير فيما اختاره الله سبحانه وتعالى

وشكرا ...

**شروق الأمل** · 03-08-2010, 06:28 AM

انا من ناحيتي صدق اني بنقهر واتضايق

بس في الاخير الزواج قسمه ونصيب ..

والله راح يعوضني باللي احسن منه

الف شكر لك دمعه ويعطيك العافيه ..

**®عشقہ آلـmجنـgن** · 03-08-2010, 08:40 AM

هوع

والله لين دحين ماجربتها ههههه

وإذا صارت خير وبركه أحسن يعني مررره ميته عليه أنا

أنا بصراحه قلت لأهلي قبل مايجي أي أحد من طرف العريس اشوفو بالدس يعني من الطاقه من الباب وهو مايدري إذا دخل مزاجي وقتها افكر

اما انو يشوفني ومااعجبو .. فشر مابقي الا هوه يشوفني وماادخل مزاجو

أساسا ً بالطقاق والدنيا كلها قسمه ونصيب

دموعه ان شاء الله كل من شافك يخق عليك ومايتركك

وتحتاري مين تختاري *_^

ربي يسعدلي قلبك ويهنيك ..

مجنونه

**ghadooo** · 03-08-2010, 10:50 PM

حلووه عشوقه اعجبتني انك بتشوفينه بالدس ومن غير مايعرف

بصراحه كثير جربوهاا ونجحت ههههههههه

بصراحه دمعه موضوعك مررره يحزن خصوصا للبنووته ياقلبي عليهااا

بصراحه بيني وبينك شباب هذا الزمن يتشرررررررررطون واجد ويصجوون اهلهم

ابي وابي

وبالاخير وبعد كل هذا اي وحده تعجبه وصاااااااااارت واجد

يعني بالمختصر لو مااعجبته بالشوفه احتمال ربي يحط بينهم موده بعدين

بس الاحسن من اولهاااااا

يعني السالفه تضيع مو عارفه وش اقول بصراحه جت على الوتر الحساس للطرفين

وربي يعينها صديقتي بصراحه انااا معها ومالومها اذا تضايقت

بس ان شاء الله يجيها الي احسن منه <<حاقده على الخطيب خخخخخ

تقبلي مرورري

ghadooo

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

.: من القلب إلى القلب :.

ماهو شعور الفتاه هنا ..

ღ أرض حواء ღ